話說早前因總公司不幸遇上火警, 但不用擔心, 只是虛驚已矣.
雖然並沒有做成任何傷亡及損失. 但公司向來的形象也是高度標榜"以人為本"的專業機構, 所以各高層不得不提高防火意識, 為我們提供了一個火警演習.
高層下令部門要領, 來一個分享會, 討論內容必然是, "當遇火警時, 如何逃生".
但一般的如滅火器放在那裡及如何使用; 逃生路線等, 並沒有在討論中提及. 以下是新穎而非一般常人能理解的火警安排.
部門要領 : 各同事, 你地對走火警時安排, 有�廾娶�?? 可提出來啊!
某同事１ : 梗係拿手袋走啦!
部門要領 (不禁搖頭嘆息, 對此不作回應) 接著說 : 公司只有兩位男士, A先生你負責抬走公司server; B先生你抬走文件柜內的file; 我一定要攞鎖匙同埋啲backup CD走. 你地仲有無其他重要野要搬離現場架?
A先生 : 依! 公司要放定個喼, 如果唔係server咁重, 點搬呀?
B先生, 仍是默不作聲.
某同事２ : 吓! 拿著個喼走火警, 會唔會走得很慢, 且壓倒在樓下的人, 好危險架喎.
部門要領 (急不及待的接著說) : 呀! 啲書點呢? 存貨黎架喎. 仲有reception個啲, 好多喎點算好呢? 算啦! 算啦! 都係唔洗你地搬啦!
某同事１（攪笑地說）: 自己的電腦洗唔洗搬呀？
某同事２（攪笑地回應）: 吓! 洗唔洗將自己椅子也搬離現場？ 還有LCD屏好貴架, 洗唔洗都搬離現場？
某同事１（繼續攪笑地說） : 會唔會走到地面, 先叫我們回去搬走屏風 ?
備註 : 以上並不是"人人搬屋, 搬寫字樓"的廣告, 而是我公司走火警的安排內容.
本會議並沒有安排本人參與, 成為豬牛羊的我只是旁聽已矣. 莫非, 處於獨立部門的我, 走火警時仍要出電郵問準總公司並簽到後才能離開現場？!
部門要領非常緊張的鎖匙, 只是洗手間、文件柜及各同事座位鎖匙已矣. 還有那些書, 他說 :「算啦! 都係唔洗你地搬啦!」, 即是他真的有考慮過需要搬離現場的. 難道自身安全不及公司物資重要嗎?
部門要領把公司的地位, 放大至比天空更高更大, 他的忠心和忠直是他的個人立場不打緊, 但這些反智慧行動, 實在令我需要實實在在考慮我今後的前途.
老闆, 這是不是你下旨給部門要領的??!! 我很驚呀!!
ps : 好彩, 他不是我的部門要領, 如果係, 真係無運行.
補充 :
當然不可遺留的是那個風水轉轉和那兩台風扇. 風水轉轉上面流水淙淙還有水晶球不停的轉呀轉; 風扇無論天氣有多寒冷也要不停的吹呀吹. 這樣才能發揮風山水起, 命轉乾坤之用.
實在是偉大之作啊!!
當遇上火警, 將由尊貴的同事, 不顧一切把它們搬離現場.
當然, 為確保風水陣的功能順利運作, 已加以培訓同事必須在逃離現場逃中, 也務必不停的轉轉轉那個水晶球各吹吹呎那台風扇.
能委以此重任的同事, 身份當時不同凡嚮. 
