婚禮那天真失禮.
實在太失禮了! 真想不到那一刻竟淚流滿面, 泣不成聲, 甚至連 "我願意" 也不能說出來. 是否本是真的不願道明? 還是真的太感動呢?!
相信感動的只有我, 在場的朋友或許聽不懂當時我所說的是何方豬話, 實在有翻譯的必要 :
今日在場的都是我的致親, 我地的知己朋友, 多謝各位.
首先多謝我的父母, 我好任性, 成日都一意孤行, 雖然我錯過, 跌過, 但佢地都無給我壓力, 仲給予我好大既自由度.
多謝 Fat Fat 同浩仔, 雖然佢唔係咁同意我某些既決定, 但我知道佢因為關心我, 錫我才會緊張我.
多謝Eric 父母同屋企人既支持.
多謝我既老朋友 Jenny, 佢係我最老既朋友, 好開心可以同佢分享大家既喜��, 雖然唔係成日見面, 但我地友誼一路都有�疚妓�, 佢好幸福, 佢既幸福, 連我都感受到.
多謝 Kathy 同一班舊同事既包容, 我同 Eric 以前係一齊做野, 雖然我地一路都未曾公開, 但相信暗地裡眾人都略知一二. 係工作上得到認同, 得到信心, 如果無KS根本無今日呢個party.
多謝翠兒, 我地識咗好耐, 但佢好忙, 唔可以成日約出來見面, 多謝佢抽空出席, 仲著得咁靚添, 但你都要為你既幸福努力呀!
多謝Katy, Pancy 雖然唔係識咗好耐, 由同事變朋友並不容易, 好多謝佢地係我曾經失落既日子入面伕我一把.
多謝 Angela 今日佢幫咗我好大忙. 仲有 Cary 同雄仔, 雖然我地關係有啲特別, 但唔緊要, 你都係我既好朋友, 請祝福我吧!
多謝 Sophie 同何生, 佢地好有心, 雖然今日佢地唔係香港, 但都安排咗公司既同事Kennis & Apple 出席.
多謝而家公司同事 Winnie 同 Jasmine, 佢地好熱情架! 雖然唔係識咗好耐, 但佢地都肯咁遠入黎祝福我. 多謝!
最後要多謝 Eric, 相信緣份比我地係各自最低潮既時候相遇, 但係大家最接近既時候, 佢肯放手讓我去澳洲讀書, 讓我可以完成夢想, 當中我遇到好多困難, 雖然當時大家距離很遠, 佢唔能夠係我身邊幫助我, 只可聽到佢緊張既語氣同支持, 但當時我地感覺卻很近很溫暖, 我相信, 如果沒有這6個月既考驗, 我們真不會下結婚這個決定.
成長中的我不致於完美, 雖然跌過, 但仍不悔昨天, 還得多謝昨天, 因為沒有昨天, 根本沒有今天的我. 希望今天以後, 我真正得到永遠的幸福快樂. 多謝各位!
李隻豬留字
